Ajo është grua dhe në listën 36 emërore të prezantuar nga Saimir Tahiri, gjendet e para. Elona Gjebrea e cila vijon në detyrën e saj si zv. Ministre e Brendshme ka arritur të sigurojë kreun e emrave për deputetë që do t'i propozohen kryeqytetasve në zgjedhjet e 18 qershorit. Mirëpo, gruaja e cila ka mbajtur për 4 vite postin e zv. Ministres ka një mbiemër të njohur për veshët tanë. Nuk është e vështirë të bësh lidhjen pasi Gjebrea në jetën publike, më i njohuri vjen nga bota e spektaklit. Për më tepër që as kantautori i famshëm nuk e ka fshehur afërsinë me vajzën e tij të xhaxhait. Elona ka qenë e ftuar tek "E diela Shqiptare" dhe dy kushurinjtë kanë trajtuar çështje të trafikimit njerëzor.
