Djali i tenorit të njohur Kastriot Tusha, mbrëmjen e kaluar ka kurorëzuar në martesë dashurinë e tij.
Në një darkë madhështore në një prej hoteleve më të mëdha në Tiranë, janë të shumtë personazhet që janë bërë pjesë e këtij gëzimi të familjes Tusha. Edhe pse nuk janë zbuluar shumë detaje nga ceremonia e martesës për ta mbajtur larg vëmendjes mediatike, koleget dhe mikeshat e Kastriot Tushës nuk mund ta mbajnë gëzimin vetëm për vete.
Ndër të parat që ka postuar foto nga festa në profilin e saj në Instagram ka qenë Irma Libohova duke uruar edhe djalin e mikut të saj të vjetër.Pas saj, edhe këngëtaret e tjera, Artjola Toska – gjithashtu një mikeshë e vjetër e Tushës, dhe Eneda Tarifa, kanë postuar foto nga festa. Të ftuar të tjerë në këtë mbrëmje festive janë edhe Eli Fara me vajzën, Eranda Libohova, Manjola Nallbani etj.
