Ka kaluar rreth një javë nga ndarja tragjike nga jeta e këngëtarit shkodran Ergi Dini dhe dhimbja në familjen e tij ka pllakosur. E motra, Barbana ka ndarë me ndjekësit e saj një mesazh të ndjerë. Në krah të vëllait të vogël, këngëtarja duket e pikëlluar për humbjen e atij që siç thotë e donte më shumë se veten.
“Për 22 vite, kisha gjithë botën neë duar, prandaj e them me plot bindje që i mora maksimumin e lumturisë kësaj jete për sa kohë të kisha afeër! Kisha menduar fundin e botës por jo të ndahesha prej teje! Të kisha shumë më shumë se vella! Kurrë nuk e kam dashur veten sa të kam dashur dhe të dua ty! Ti ishe motiv, ishe inspirim jo vetëm për mua, por për shumë njerëz! Mami,babi dhe Arlinda që ti i doje pafund janë këtu në "ferr" me mua, prandaj, ti pusho i qetë!” – shkruan Barbana Dini.
Ergi, fituesi i edicionit të tretë të “X Factor Albania” u nda nga jeta në moshën 22-vjeçare pas një aksidenti me motor, në qendër të Tiranës.
