Fejesa e stilistes Bora Kokëdhima fundjavën e shkuar në bregdetin e Dhërmiut mori vëmendje të veçantë në media. Jo vetëm sepse Bora po përpiqet të ngrerë vetë emrin e saj në treg, por edhe për shkak të babait të saj, Koço Kokëdhima.
Në lidhje me fejesën e vajzës së tij të mesit, ish-deputeti socialist nuk e ka fshehur entuziazmin. Gjithashtu pak ditë më parë ishte mamaja e Borës, Brixhita, e cila publikoi foton e parë me çiftin. Por, vetë stilistja e markës “Savage” nuk e ka mbajtur më gjatë “sekretin”. Ajo ka publikuar foton familjare me prindërit e Olsit dhe familjen e saj. Në fakt, shumë pak detaje dihen rreth kësaj krushqie dhe kurioziteti në rrjet nuk është i vogël, por me rëndësi që çifti duken më se të lumtur. Urime!
