Konkurset e aplikimit për punë e shkollim, tashmë janë bërë veç një “improvizim”. Të fortit e ata që kanë lidhje familjare kalojnë pa problem. Edhe këngëtarët kosovar po gjejnë mundësinë të pranohen në Universitetin e Prishtinës “Hasan Prishtina”, shkruan Gazeta Fjala. Nora Istrefi është pranuar kështu në fakultetin e Edukimit Fizik dhe Sportit, pavarësisht se pikët në testin e maturës i figurojnë 0, e suksesi më i ulët se i konkurentëve të tjerë. Në dokumentin e siguruar, shihet se Nora Istrefi ka zënë vendin e dytë në listën e pranimit, duke i lënë poshtë konkurentët e tjerë më pikë më të larta në testin e maturës dhe në sukses. Video më poshtë shihni provat e këngëtares në fakultet.
