Aktori i famshëm shqiptar, Robert Ndrenika, i cilësuar si ndër aktorët më të mirë shqiptarë të të gjitha kohërave, është përballur me një police, e cila nuk u dorëzua pa e gjobitur.
Sot në mesditë, në këtë ditë feste të Kurban Bajramit, bashkë me miq e të afërm të tij, Robert Ndrenika po pinte një kafe në një nga lokalet e rrugës “Petro Nini Luarasi”. Fare pranë, ata kishin parkuar përkohësisht automjetin.
Nuk kaluan pak sekonda që ishin ulur dhe një motor me një polic dhe një efektive femër u shfaqën pranë mjetit. Dy-tre makina të tjera që gjendeshin të parkuara pranë asaj të Ndrenikës, duke qenë djem të rinj, kur policja nxori bllokun, ndezën makinat dhe u larguan me shpejtësi, raporton NOA.
Kurse aktori i ngratë, tashmë në moshë të thyer, iu desh ca që të afrohej tek policja që po shkruante gjobën.
Mes tyre nisi një debat me tone të qeta ku mërzia që e kaploi Ndrenikën ishte e dukshme.
Më pas, kolosi i skenës iu kthye tavolinës ku ishte ulur.
Policja që shikoni në foto, e cila nuk dihet nëse i njef rolet e artistit të madh, nuk gjobiti makinat e tjera që u larguan sapo ajo u afrua, por gjobën ia vuri në makinë Ndrenikës. Direkt më pas, i hipi motorit të drejtuar nga kolegu i saj dhe u larguan, me gjasë krenarë, që e kapën dhe një gjobë. Këtë radhë, artistit në pension, Robert Ndrenika.
