Lajmi i pushimit nga puna të autores së "The Voice", u rikthye në vënendje të premten e shkuar në finalen e talent show-t, ku përkundër përshëndetjes e mirënjohjes që trajneri Sidrit Bejleri adresoi 'live' për Zefina Hasanin, prezantuesi Ledion Liço e përçmoi gazetaren, duke thënë se "si e papunë që është mund të shkojë në azil".
Pavarësisht se ish-autorja kishte punuar për disa edicione të "The Voice" dhe "Big Brother", duket se ajo nuk e përjetoi keq shkëputjen e marrëdhënies me këtë staf. Zefina Hasani u përfol se u pushua nga puna për shkak të "kryengritjes" ndaj Ledri Vulajt, që sipas saj nuk plotësonte kushtet e një këngëtari të formatit "The Voice".
"Liria" që fitoi me largimin nga Top Channel, duket se i kishte munguar Zefinës. Këtë fakt ia vë në dukje ish-ministrja Bregu e cila postoi një foto me ish-zëdhënësen e saj në kohën kur drejtonte Integrimin.
