Këngëtarja e cila këtë fundjavë gjendej në Gjermani për koncerte me rastin e Festave të Nëntorit duket se u bë pishman, kur vetëm pak minuta pasi e postoi, hoqi nga profili i saj në IG një foto që ngjalli jo pak reagim tek fansat. E veshur me një fustan punim dore nga bashkëpunëtori i saj, stilisti Valdrin Sahiti, Elvana Gjata mendoi të shfaqë detajet prej ari të qëndisur në gjoksin e saj. Por, me sa duket 28-vjeçarja nuk kishte vënë re se buzët i ngjanin çuditshëm! Kjo besohet se është arsyeja që e bëri këngëtaren ta fshijë foton, duke u mundar të heqë çdo dyshim që është artikuluar edhe në media (emisioni Opinion), ku jo pak herë Elvana është nominuar si një nga artistet që ka fryrë buzët me gjilpëra.
