Lajmet se i fejuari e la për modelen shqiptare që jeton në Greqi, me sa duket nuk qëlluan të vërteta. Dyshimet që u hodhën në media kanë marrë përgjigje nga vetë Tedi Ngjela, ish i fejuari i moderatores Floriana Garo, i cili ka mohuar raportin e përfolur për një lidhje mes tij dhe Sofias.
I pyetur nga gazeta “Shekulli” për këtë fakt, ai sqaroi se Sofia është kushërira e kunatit të tij dhe për më tepër është e martuar. Ky ka qenë shpjegimi i Tedi Ngjelës dhe nuk pranoi të komentonte më për këtë çështje. Nga ana tjetër, Floriana Garo ka kaluar fazën e ndarjes dhe vazhdon jetën normalisht, madje merr buqeta me lule nga një person i mistershëm, i cili mban sekret identitetin e tij.
