Festivali "Kënga Magjike" njihet për shpenzimet e jashtëzakonshme në teknologji e skenografi. Por këtë vit, producenti Ardit Gjebrea duket se ka zgjidhur qesen edhe për bashkëprezantuesen e cila mësohet se do të paguhet plot 20 mijë euro. Ndryshe nga vjet ku në skenë ngjiti 5 adoleshentët e Mad Tv, të cilët me siguri nuk i kushtuan as sa gjysma e 23-vjeçares Almeda Abazi, këtë edicion, Gjebrea duket se ka pritshmëri të tjera nga spektakli që mund të ndodhë gjatë tre netëve 3,4,5 në Pallatin e Kongreseve. Ish-miss Shqipëria 2007 njihet për suksesin në televizionin turk, në të cilin është vlerësuar për performancën e gjallë, sportive dhe ndryshe nga ajo e një bukurosheje të zakonshme. Megjithatë, mbetet për t'u parë show që Almeda Abazi do të sjellë në Tiranë.
