“Me fjalë të vogla”, kënga që riktheu mes kolegësh në një garë festivali Flori Mumajesin, mund të jetë një dedikim dashurie për Elvana Gjatën! Pas publikimit javën e shkuar në “E diela Shqiptare”, kantautori nuk bëri ndonjë koment që mund të ngjallte dyshime mbi atë që e frymëzoi për t’i dërguar mesazhin e ndjerë përmes këngës. Por, “sekretin” duket se e ka zbuluar vetë “muza”, Elvana Gjata, e cila në një video të postuar në ‘snapchat’, ka zgjedhur 4 sekondat vendimtare të këngës, ku dëgjohet: “Të du!”.
Lajmi i rikthimit të Flori Mumajesit në “Kënga Magjike” pas 6 vitesh u analizua gjatë në mediat rozë. Vetë kantautori ia adresoi fansave, si dëshirë të tyre për ta parë dhe një herë në atë skenë, si dikur.
Krijimi RnB, “Me fjalë të vogla”, është një këngë e thjeshtë, ndoshta më “seriozja” që Flori ka kënduar kohët e fundit vetë. Zhargoni në “kosovarçe” duket se i ka ngjitur 33-vjeçarit dhe tashmë nuk mund ta shmangë. Por, ajo që të bën përshtypje teksa i hedh një sy tekstit të këngës, janë vargjet e kantautorit që nuk të lënë të kuptosh, i drejtohen një femre apo një mashkulli? Gjë kjo, e zgjedhur ndoshta me kast; që nëpër rreshta, të gjejnë veten të dyja gjinitë!
Me fjalë të vogla
Po pres...
me ma thonë nje fjalë
Me ma shkrujt një tekst
Gabimisht me ma dërgu
Me gjet pretekst
Kur e ke ti një arsye të vërtetë
Se për ty nga ana tjetër dikush pret
Me ia thonë diçka
sado e ftohtë të jetë
S'do mërzitem duke prit
Sa frymë te kem
Të betohem s'do shkaktoj
Asnjë problem
Me fjalë të vogla t'kom dasht
Me fjalë të vogla të du
Por jetën time për ty
Un jom gati me rreziku
Me fjalë të vogla t'kom dasht
Me fjalë të vogla të du
Por jetën time për ty
Un jom gati me rreziku
Po pres...
Të më thuash
Sot sesi je vesh
A mi sheh fotografitë ndonjëherë
Kur mërzitesh në mëndje kush të vjen
Kur dëgjon muzikë
cilën këngë pëlqen
Lumturinë dhe motivin ku e gjen
Një përgjigje po kërkoj
Përse s'ma kthen
Të betohem s'do shkaktoj
Asnjë problem
Me fjalë të vogla t'kom dasht
Me fjalë të vogla të du
Por jetën time për ty
Un jom gati me rreziku
Me fjalë të vogla ,të du
Për ty ,unë jam gati me rreziku
