Emily dhe babai i saj, balerini i njohur shqiptar Ilir Shaqiri, janë shfaqur mbrëmjen e së shtunës në versionin italian të “Tu si que vales”. Fillimisht, performancën e ka nisur vogëlushja dhe më pas në skenë u ngjit balerini, të cilin publiku shqiptar e njeh si kryetar të jurisë së “Dancing With the Stars”. Reagim të menjëhershëm pati Maria De Filippi, anëtare e jurisë e cila kujtoi disa nga programet ku Iliri ka bashkëpunuar me Mediaset. Pas performancës, balerini i cili ka krijuar familje me një italiane, tha së vajza e tij prej dy vitesh studion balet dhe se në këtë spektakël kishte ardhur vetëm për një arsye. Emily, rrëfeu se interpretimi i saj i dedikohej Rudy Zerbi-t, anëtarit më të vështirë të jurisë, të cilit kishte vendosur t’i zbuste zemrën.
