Dhjetori është konfirmuar si muaji që në Tv Klan pritet të nisë emisioni i cili ngeli jetim pas mbylljes së Agon Channel. Por, nëse stafi dhe çunat, Saimiri dhe Genti, janë mbledhur përditë për të vënë në vijë punët e studio po përgatitet, një problem që duket se nuk është zgjidhur ende mbetet emri i programit. Me ndrrimin e logos së ekranit, pritet që edhe emri i "Ça thu" të ndryshojë. Aq më tepër po të kemi parasysh se emisioni investigativ u pagëzua me këtë emër nga vetë pronari italian i Agon Channel, Becchetti i cili pati deklaruar: "Vendosa ta quaj kështu emisionin sepse kur erdha në Shqipëri më pati bërë përshtypje kjo shprehje. Të gjithë çuditeshin njësoj, ça thu!"
