Një foto e postuar pak orë më parë në IG nga prezantuesja e Top Channel, duket se ka dashur të hedhë poshtë zërat për prishjen e miqësisë mes tyre. Por, kjo deri sa pa hedhur sytë tek përshkrimi i fotos, ku shihet qartë se takimi mes Arbanës dhe trashëgimtares Lori Hoxha, ka ndodhur për motive pune.
Rasti në fjalë nuk kishte se si t'i shpëtonte prezantueses që po rikthehet në ekran, e cila është përfolur për përjashtim nga grupi i dikurshëm Lori - Ledion - Xhemi - Eno Pop. Prandaj, Arbana Osmani duket sikur ka shfrytëzuar takimin për zgjedhjen e veshjeve te programit të ri "Në një Javë", që diktohen nga Lori Hoxha, e ta "shesë" foton si një kafe të zakonshme mes mikeshash.
Megjithatë, me rëndësi që Arbana dhe Lori shihen bashkë pas shumë kohësh. Ndoshta ky rikthim në Top Channel, do të shërbejë për qetësimin e ujrave mes prezantueses dhe kolegëve, që thuhet se kanë ngelur hatërmbetur nga Arbana dhe ndikuan tek prishja e Lorit me të.
