Tashmë nuk ka më dyshime, incidenti i shumëpërfolur i javës së shkuar që "detyroi" Robert Aliajn të braktisë panelin e jurisë së DWM, ishte i sajuar. Një skenar që fillimisht u pranua nga protagonisti i ngjarjes, Cekja, i shigjetuar çdo javë nga anëtari kontravers. Deri sa të hënën e shkuar, për shkak të "banalitetit" të Cekes në skenë, Roberti la spektaklin për ta ndjekur atë nga një tjetër ambient i Tv Klan. Të shumta ishin analizat që iu bënë këtij momenti të spektaklit duke dyshuar që në fillim për një ngjarje të stisur dhe jo spontane sikur u pretendua, por vulën ia ka vënë ish-velina Viola Spiro e cila ka shpërthyer në një reagim për gazetën Paloma. Bjondja simpatike nuk ka lënë fjalë pa thënë për atë që sipas saj, e ka ngacmuar dhe i ngacmon të gjithë për hir të spektaklit. Madje Viola ka zbuluar se incidenti me Ceken ishte i përgatitur, pjesë e një skenari:
"Ç'të them unë për Robertin? Tashmë është kuptuar që ai përpiqet të bëjë show në kurriz tim a të ndonjë tjetri. Piketon çdo javë nga një konkurent, por me mua e ka përsëritur disa herë, siç e keni parë të gjithë, aq sa po bëhet i paparashikueshëm. Gjithsesi, për mua ai është një njeri shumë hipokrit dhe çdo gjë që bën është e stisur, e bën me paramendim. E tillë ishte dhe gjoja ikja e tij, që në fakt ishte një skenar që e kishte përgatitur që më parë në mendje. Bën si i indinjuar kot nga banaliteti, ndërkohë që ai është i pari që është banal, njeriu më banal që kam njohur ndonjëherë si në skenë si jashtë saj. Ai bëri gabim të madh kur i tha Cekes: Më mirë qen se sa Ceke. Ku ka më turp? Bën si artist avantgard, ndërkohë që vetëm i tillë nuk është. Ai që ishte i ndrydhur gjatë regjimit dhe s'e kuptonte kush artin e tij, vjen një herë në javë në realitetin shqiptar dhe hiqet si patriot dhe bën si i indinjuar për realitetin shqiptar. Njeri i etur për show." - është shprehur për Paloma, Viola Spiro.
