Duket si një mesazh i fshehur, duke përdorur bashkëpunimin e tyre "Kuqezi je ti", për të shprehur ndjenjat e saj për Flori Mumajesin, partnerin e pandashëm të saj në muzikë. Kështu, Elvana Gjata i ka dedikuar disa fjalë zemre atij që e ka ngritur në majën më të lartë të muzikës moderne shqiptare. Në ditëlindjen e producentit 34-vjeçar, këngëtarja e cila po përjeton një sukses mbarëshqipëtar me hitin "Kuqezi je ti", ka postuar një urim që me sa duket vazhdon të mbesë në kufijtë e bashkëpunimit profesional. Shpesh çifti në fjalë është përfolur edhe në media se mes tyre ka diçka më shumë se thjesht shokë, megjithatë, edhe këtë herë në publik, ata shfaqen si dyshe me lidhje të fortë, por jo personale.
