Pas 50 vitesh, RTL, Televizioni Publik Gjerman, rikthen aventurat e “Winnetou”, një nga prodhimet më të suksesshme dhe më të ndjekura të kinematografisë gjermane. Krijuesit e saj, ia kanë besuar protagonistin kryesor, “Winnetou”, Nik Xhelilajt, aktorit shqiptar që regjisori Philip Stolzl e quan ylli i shndritshëm ndërkombëtar. Xhirimet kanë nisur në Kroaci. Filmi do të jetë me tre pjesë dhe aventurat përbëjnë letërsinë klasike gjermane për të rinj. Ai është i bazuar në librin e Karl May, një nga shkrimtarët më të suksesshëm, me 200 milionë kopje të shitura në gjithë botën. Tre heronj që ende sot janë frymëzim për të rinjtë, do të interpretohen nga dy yje të kinemasë gjermane dhe shqiptari Nik Xhelilaj, një karakter shumëdimensional dhe i shkëlqyer, ndërsa protagonistët e tjerë të “Winnetou”, do të interpretohen edhe nga aktorë dytësorë të Hollivudit. Premiera botërore e tre filmave, secili nga 90 minuta është menduar në 2016 në RTL./tvklan.al/
