Kryeministri Edi Rama ka zhvilluar këtë 7 shtator, një vizitë në Vlorë, ku fillimisht është ndalur në Universitetin e qytetit. Më pas Rama është ndalur në Parkun Aulona, përgjatë bulevardit kryesor të qytetit.
Gjatë qëndrimit në këtë zonë, sipas asaj që raportojnë mediat, kryeministri ka deklaruar se Parku Aulona do të marrë një funksion të ri, duke u kthyer në një hapësirë publike të gjelbër në shërbim të qytetarëve të Vlorës.
Parashikohet që zona të shndërrohet në një lulishte, duke krijuar një ambient të aksesueshëm dhe të dedikuar për banorët. Projekti synon t’i japë kësaj pjese të qytetit një funksion të ri urban, duke krijuar një hapësirë të gjelbër për komunitetin në një nga zonat qendrore të Vlorës. ©LAPSI.al
