E marta shënon nisjen e sesionit të ri parlamentar në Shqipëri.
Sipas urdhrit të nënshkruar nga kryeparlamentari Niko Peleshi, seanca plenare do të mbahet në orën 17:00.
Bazuar në detajet e rendit të ditës, seanca e nesërme do të jetë kryesisht formale, pasi fokusi mbetet te hapja e punimeve të sesionit të III të Legjislaturës së XI të Kuvendit të Shqipërisë.
Punimet e Kuvendit që do të nisin këtë javë pritet të sjellin një sërë tematikash, çështjesh dhe tensionesh në politikën shqiptare, pasi në këtë legjislaturë parashikohen diskutime të shumta dhe vendime lidhur me përgatitjet për zgjedhjet lokale të vitit 2027, Reformën Administrativo-Rerritoriale, si edhe miratimin e ligjeve të përafruara me Bashkimin Europian.
