Protestat kundër qeverisë vijojnë edhe këtë të hënë në Tiranë, duke hyrë në ditën e 107-të. Mijëra qytetarë pritet të mblidhen sërish në shesh për të kërkuar dorëheqjen e kryeministrit Edi Rama. Protestuesit kanë bërë thirrje për pjesëmarrje të gjerë, ndërsa slogani “Rama, jep dorëheqjen” pritet të dëgjohet sërish gjatë tubimit.
Prej më shumë se tre muajsh, protesta ka vijuar çdo ditë me grumbullime, marshime dhe aksione në zona të ndryshme të kryeqytetit. Ditët e fundit, mobilizimit i është shtuar edhe prania e diasporës. Shqiptarë që jetojnë jashtë vendit kanë udhëtuar drejt Tiranës për t’iu bashkuar protestuesve dhe për të kërkuar ndryshim politik.
