Një konflikt fizik mes punonjësve të një subjekti në plazh dhe pesë pushuesve turq ka vënë në prangat e policisë dy persona dhe dy të tjerë të proceduar penalisht. Ngjarja ndodhi në një lokal në zonën e plazhit në Golem.
Policia arrestoi menaxherin D.K., 33 vjeç, dhe punonjësin E.Q., 37 vjeç, të dy banues në Durrës, pasi dyshohet se gjatë konfliktit, për motive të dobëta, goditën me sende të forta dy pushues turq. Ata akuzohen për 'Plagose të rëndë me dashje', kryer në bashkëpunim, dhe 'Prishje të qetësisë publike'.
Ndërkohë, në gjendje të lirë u proceduan banakieri I.Sh., 48 vjeç, dhe punonjësi i sigurisë T.D., 49 vjeç, të cilët dyshohet se kanë goditur dhe kanosur tre shtetas të tjerë turq. Materialet i janë referuar Prokurorisë së Durrësit për veprime të mëtejshme.
