Kryeministri Edi Rama do të mbledhë këtë të premte ministrat dhe drejtuesit politikë të Partisë Socialiste në qarqe. Takimi nis në orën 17:30 në selinë e PS-së dhe vjen pas takimeve dyditore në Pogradec, si edhe mbledhjes së qeverisë të zhvilluar një ditë më parë.
Në fokus pritet të jenë udhëzimet për drejtuesit politikë, të cilët do të zbresin më pas në zonat e tyre elektorale. Ata pritet t’u prezantojnë strukturave socialiste dokumentet “Besa” dhe “Prania Besnike”. Ndërkohë, protesta kundër qeverisë hyn sot në ditën e 90-të. Protestuesit thonë se do të vijojnë tubimet deri në dorëheqjen e Edi Ramës, të cilën e konsiderojnë kërkesë të panegociueshme.
