Pas arrestimit të Ergys Agasit ditën e djeshme në Durrës, hetimet e SPAK duket se janë shtrirë edhe te pasuritë e biznesmenit të shpallur në kërkim prej dhjetorit 2025. Mësohet se SPAK i ka sekuestruar edhe një automjet luksoz, ‘Land Rover Defender’, i cili ishte i parkuar në garazhin e një prej vilave te “Equos Resort”. Agasi u arrestua dje (26 gusht), ndërsa ishte shpallur në kërkim nga SPAK në dhjetor 2025.
Ai u lokalizua teksa udhëtonte me një automjet, së bashku me ish policin, Uljan Shpataraku, i cili gjithashtu u arrestua gjatë operacionit. Sipas SPAK, ai dyshohet për një sërë veprash penale në kuadër të hetimit për procedurat e prokurimit të AKSHI-t, përfshirë konkurrencën e paligjshme përmes dhunës, heqjen e paligjshme të lirisë, shkeljen e barazisë në tendera dhe pastrimin e produkteve të veprës penale.
