Një person ka humbur jetën dhe 7 të tjerë janë plagosur si pasojë e një aksidenti të rëndë të ndodhur në aksin rrugor Bulqizë - Klos, në vendin e quajtur “Plani i Bardhë”.
Sipas asaj që raportojnë mediat, dy auttomjete janë përplasur kokë më kokë. Personat e përfshirë në aksident po ktheheshin nga një ceremoni mortore. Viktima është Hali Gjashi, rreth 50 vjeç, pasagjer në një automjet tip “Hyundai” me ngjyrë.
Mes 7 të plagosurve janë 2 drejtuesit e automjeteve dhe 5 pasagjerë. Ata janë jashtë rreziku për jetën. 3 prej tyre po marrin ndihmë mjekësore në spitalin e Traumës dhe 4 të tjerë në spitalin e Bulqizës.
"Në aksin rrugor “Bulqizë-Klos”, në vendin e quajtur "Plani i Bardhë", janë përfshirë në aksident rrugor dy automjete me drejtues shtetasit Xh. S., dhe S. C. Si pasojë, ka humbur jetën shtetasi H. GJ., pasagjer në automjetin që drejtohej nga shtetasit S. C.
Gjithashtu janë transportuar për ndihmë mjekësore në spital, dy drejtuesit e automjeteve dhe dy pasagjerë, të cilat janë në kujdesin e mjekëve. Grupi hetimor po punon për zbardhjen e rrethanave dhe shkakut të aksidentit" - thuhet në njoftimin e policisë. /LAPSI.al
