Deputetë të PDK-së dhe AAK-së u përplasën sot me rojet e sigurisë para godinës së Qeverisë së Kosovës, teksa kërkuan të hynin në objekt për t'i bërë thirrje kryeministrit në detyrë, Albin Kurti, që të shkojë në Kuvend dhe të mundësojë konstituimin e institucioneve të reja.
Deputetë të PDK-së dhe AAK-së mësynë sot para godinës së qeverisë në Kosovë dhe i bënë thirrje Albin Kurtit që të shkojë në Kuvend dhe të mundësojë konstituimin e institucioneve të reja. Ata thanë se populli i ka sakrifikuar shumë dhe ka derdhur gjak për Kosovën, prandaj Albin Kurti nuk mund të tallet sipas tyre.
Rojet e sigurisë i ndaluan deputetët, ndërkohë që Deputetja e Partisë Demokratike të Kosovës, Vlora Çitaku i kujtoi përgjegjësit të rojeve të sigurimit se me ligj "më lejohet qasja në të gjitha institucionet." Në protestën e sotme të deputetëve të PDK-së para Qeverisë, janë bashkuar edhe asamblistë e aktivistë nga Shtimja dhe Fushë Kosova. Një ditë më parë, AAK dhe PDK kallëzuan penalisht kryeministrin në detyrë, Albin Kurti, dhe Qeverisë në detyrë, duke e akuzuar se po merr vendime në kundërshtim me ligjin.
