Momente paniku janë regjistruar gjatë natës në Romë, pasi rreth 30 kuaj të forcave të armatosura italiane dolën jashtë kontrollit dhe vrapuan nëpër rrugët kryesore të kryeqytetit. Si pasojë pesë persona mbetën të plagosur gjatë përpjekjeve për të ndaluar kafshët.
Ngjarja ndodhi pranë zonës së Baths of Caracalla, ku kuajt po përgatiteshin për paradën ushtarake të organizuar me rastin e Ditës së Republikës. Sipas mediave italiane, një shpërthim fishekzjarrësh i trembi kafshët, të cilat thyen rrethimin dhe nisën të galoponin në mënyrë të pakontrolluar.
Tre ushtarë dhe dy efektivë policie pësuan lëndime gjatë operacionit për kapjen e kuajve, ndërsa dy prej tyre u transportuan në spital jashtë rrezikut për jetën. Kafshët shkaktuan gjithashtu dëme në disa automjete në lëvizje dhe të parkuara. Pas disa orësh ndërhyrjeje, autoritetet arritën të rikthenin situatën nën kontroll dhe t’i transportonin kuajt në një zonë të sigurt.
