Një shtetas shqiptar është arratisur mëngjesin e së martës nga burgu famëkeq i Koridhalosit në Athinë. Ngjarja ka ndodhur gjatë orarit të ushqimit në mensë, në rrethana ende të paqarta. Dyshohet se dy dyer sigurie mund të jenë hapur njëkohësisht, gjë që mund t’i ketë dhënë mundësi të largohet.
Autoritetet po shqyrtojnë edhe mundësinë që ai të ketë njohur më parë mirë mënyrën si funksionon siguria në burg. Policia greke ka nisur kërkimet për kapjen e tij, ndërsa po hetohen edhe rrethanat e plota të ngjarjes dhe përgjegjësitë e mundshme në sistemin e sigurisë së burgut.
