Një ngjarje e rëndë ka ndodhur në kryeqytet, ndërsa mësohet se një punonjës i gardës së Republikës është vetëvrarë.
Në orët e para të mëngjesit të sotëm në rrugën “Mihal Grameno”, është konstatuar trupi i pajetë i punonjësit të Gardës së Republikës, G. L., 47-vjeç, brenda automjetit të parkuar, në garazhdin e banesës së tij.
Nga të dhënat e para, dyshohet se punonjësi ka kryer vetëvrasje me armën e shërbimit. Burimeve nga grupi hetimit thonë se prej disa kohësh ai konsumonte alkol dhe ka qenë në gjendje jo të mirë psikologjike. Dyshohet se ka qenë edhe në proces divorci. Grupi hetimor vijon punën për sqarimin e plotë të rrethanave të rastit.
