Dinamo ka lënë pas dy ndeshje të luhatshme dhe ka rikthyer fitoren me një sukses të rëndësishëm përballë Teutës në "Elbasan Arena". Takimi i vlefshëm për javën e 15-të të Superiores përfundoi me fitoren e ekipit të Ilir Dajës, që e mundi Teutën 2-0.
Golat për Dinamon u shënuan nga Baton Zabërgja në minutën e 25' dhe Tiago Nani në minutën e 71'. Një fitore e domosdoshme për kryeqytetasit, të cilët kontrolluan takimin me qetësi dhe arritën ta mbyllnin me një rezultat të merituar. “Përballjet me Teutën janë gjithmonë të vështira se luan me shumë forca përpara dhe ne ndërtojmë nga poshtë - tha Ilir Daja pas ndeshjes -. E rëndësishme është që marrim tre pikë që na sposton pak me zonën e mesit dhe vazhdojmë rezultatet e mira".
[video width="662" height="360" mp4="https://cdnimpuls.com/lapsi.al/wp-content/uploads/2024/11/674b361e95f91.mp4"][/video]
Zabërgja shënoi golin e parë të takimit në pjesën e parë, ndërsa Nani i siguroi tre pikët me një tjetër gol në pjesën e dytë. Dinamo ishte superiore gjatë gjithë ndeshjes, duke ruajtur një ritëm më të lartë se Teuta dhe duke menaxhuar me sukses çdo moment të lojës. "Goli i dytë skemë? Jo, ishte instinktive e lojtarëve, sepse dy qendërmbrojtësit është e vështirë të ambientohen. Ndërsa pjesa e Ditës, unë në atë pozicion aty nuk e kam të këshillueshme që të luajnë me top në thellësi. Ndaj ishte edhe ai takim atje, se më tha 'e pe asistin'. Ishte instinktive e lojtarit"
e mbylli shpjegimin tekniku i Dinamos.
[video width="682" height="360" mp4="https://cdnimpuls.com/lapsi.al/wp-content/uploads/2024/11/674b45a05be69.mp4"][/video]
7 NDESHJE PA FITORE
Teuta nga ana tjetër nuk fiton prej 7 ndeshjesh, gjë që e ka komplikuar disi renditjen e durrsakëve. Tekniku Edi Martini nuk e ka fshehur zhgënjimin: “Nga disa lojtarë kërkoja më tepër, dhe shënimi i golit të parë të ecë një lojtar 50 metra dhe të mos dalë një lojtar për faull taktik. Dhe se jemi 5 lojtarë në zonë, 2 të atyre arrijnë. Tentuam në pjesën e dytë, bëmë gjithçka për të ndryshuar ritmin. Kishim mundësi të shënonim 20 minutat e para, pastaj lamë hapësira. Nuk dua të justifikohem, por lojtarët që hyjnë nga stoli duhet ta shfrytëzojnë, për të marrë vendin e titullarit".
Lexo më tej: Video/ Gafë e Abaloras, Egnatia tris Elbasanit në sfidën e 100 të Tetovës
Dinamo me këtë fitore konsolidon vendin e katërt në renditje, duke qenë gjithashtu në distancë të afërt nga skuadrat që ndodhen më sipër, duke u bashkuar kështu me pretendentët për titullin kampion. Me 24 pikë, Dinamo mbetet 3 pikë larg Partizanit kryesues, ndërkohë që Teuta, me 17 pikë, mban vendin e 6-të në klasifikim.
