Ihattaren, lë pas problemet mendore, kthehet te goli: “Mamaja ime e di ç'kam kaluar”

Mohamed Ihattaren u rikthye te goli në minutën e 91' të ndeshjes së Eredivisie mes Heerenveen dhe Waalwijk. Ky ishte një moment shumë i veçantë për futbollistin e ri holandez, ish-lojtar i Juventusit dhe Sampdorias, i cili i dha fund një mungese goli që zgjati pothuajse 3 vite pas disa vështirësive që ngadalësuan një karrierë që nuk arriti të realizojë pritshmëritë e fillimit. Talenti i rritur te PSV kishte bërë rikthimin në Eredivisie me një kontratë njëvjeçare me RKC Waalwijk pas më shumë se dy vitesh pa ndeshje zyrtare. Ihattaren kishte provuar eksperienca te Samsunspor (në Turqi) dhe Slavia Pragë (në Republikën Çeke), por ato përfunduan pa sukses. Paraqitja e tij e fundit datonte në maj të vitit 2022 me Ajax, ndërsa këtë sezon ka regjistruar gjashtë paraqitje dhe, së fundmi, edhe një gol.

Na zijn eerste officiële goal voor RKC, vertelt een geëmotioneerde Mo Ihattaren: 'Deze was voor mijn moeder.' "Elke ochtend staat er een ontbijt klaar. Zo veel liefde, zij weet wat ik heb moeten doorstaan", zegt hij nadat hij vlak voor tijd de 1-1 maakte in Heerenveen. pic.twitter.com/VVTeZr3Aia

— NOS Sport (@NOSsport) November 29, 2024

Ihattaren, gol pas 3 vitesh: lot e dedikim i veçantë për nënën

Pas golit të tij të parë zyrtar me RKC, Mo Ihattaren u intervistua nga televizioni holandez dhe shpërtheu në lot: “Ky është për nënën time”. Futbollisti holandez i lindur në vitin 2001, pas realizimit të golit të barazimit 1-1 në Heerenveen, vetëm pak sekonda para përfundimit të ndeshjes, e shpjegoi dedikimin e tij të veçantë: “Çdo mëngjes më pret një mëngjes i gatuar. Ka shumë dashuri. Ajo e di çfarë kam kaluar”.

Mohamed Ihattaren maakt zijn eerste voor RKC en draagt het op aan...✨#HEERKC

— ESPN NL (@ESPNnl) November 29, 2024

Karriera e vështirë dhe betejat me problemet mendore

Ihattaren ka qenë një nga lojtarët më premtues të brezit të tij në nivel evropian. Por jeta e Mohamedit pësoi një goditje të rëndë pas vdekjes së babait të tij. Vetë ai ka rrëfyer se filloi të kishte probleme serioze me gjumin dhe të përjetonte vështirësi të mëdha: “Kur shoh baballarët e shokëve të skuadrës në tribuna, ndihem keq.” Figura e babait ishte shumë e rëndësishme për të, dhe mungesa e tij shkaktoi një krizë që doli jashtë kontrollit për futbollistin e ri. Juventusi e huazoi te Sampdoria, por pas disa muajsh, ai u largua nga Genova për të shkuar në Holandë, ku nisën zërat për depresionin e tij, një largim të mundshëm nga futbolli dhe lidhjet e tij me grupe të dyshimta. Pas mbylljes së huazimit te Sampdoria, ai shkoi te Ajaxi, por nuk arriti të gjejë hapësira. Luajti pak minuta me ekipin e parë dhe kaloi shumicën e kohës me ekipin e të rinjve.

90. Mo Ihattaren maakt er 1-1 van!!! 1-1 #HEERKC

— RKC Waalwijk (@RKCWAALWIJK) November 29, 2024

Problemet personale dhe ndihma për rikthimin

Në dimrin e vitit 2023, mediat holandeze raportuan për akuza ndaj tij për dhunë në familje dhe kërcënime. Më pas, ai u lidh me organizata kriminale dhe thuhet se ishte detyruar të shiste shtëpinë e tij me vlerë një milion euro. Ish-ylli i Interit, Wesley Sneijder, u përpoq ta ndihmonte në atë periudhë, duke thënë: “Ishte serioz për dy ditë, pastaj filloi përsëri të bënte sipas mendjes së tij.” Pas peripecive në Turqi dhe Republikën Çeke, Ihattaren u rikthye në Holandë. Rikthimi i tij në fushë u bë i mundur falë ndihmës së një grupi profesionistësh që e ndoqën gjatë gjithë procesit të rehabilitimit.