FIFA ka shpallur kandidatët për çmimet The Best FIFA Football Awards 2024, si për futbollin e femrave ashtu edhe të meshkujve, dhe me shumë surprizë, emri i Lautaro Martinez, kapiteni i Interit fitues i Serie A dhe golashënuesi më i mirë i Argjentinës fituese e Copa America, nuk gjendet në listë.
Pas publikimit të listës së kandidatëve, Beppe Marotta, presidenti i Interit, në një deklaratë për agjencinë ANSA tha: “Është e habitshme dhe zhgënjyese që Lautaro Martinez nuk është marrë parasysh ndër kandidatët për ‘The Best Men’s Player’ të FIFA-s pas një sezoni të jashtëzakonshëm.”
Marotta: “Meriton më shumë respekt dhe vlerësim të madh”
Numri një i klubit zikaltër vazhdoi me lavdërimin për numrin 10 të Interit: “Performancat e tij të jashtëzakonshme kontribuan në arritjen e një suksesi historik për Interin dhe në fitoren e Kupës së Amerikës për kombëtaren argjentinase. Në të dyja kompeticionet, ai ishte gjithashtu golashënuesi më i mirë i turneut. Lautaro meriton më shumë respekt dhe një vlerësim më të madh.”
Lexo më tej: Lautaro në histori, bëhet shënuesi më i mirë i huaj i Inter: thumbon Topin e Artë”
Marotta përfundoi mendimin e tij mbi mungesën e kapitenit të Interit midis kandidatëve për këtë çmim: “Kjo përjashtim duket se injoron jo vetëm statistikat dhe sukseset, por edhe ndikimin që ai pati në ndeshjet vendimtare. Kjo është një shenjë negative; duhet të shpërblehen lojtarët që dallohen në mënyrë kaq të rëndësishme. Shpresojmë që në të ardhmen t’u jepet njohja e duhur atyre, si Lautaro, që vazhdojnë të shkëlqejnë në fushë”.
The Best Men’s Player FIFA 2024: Kandidatët
• Dani Carvajal (Spanjë), Real Madrid
• Erling Haaland (Norvegji), Manchester City
• Federico Valverde (Uruguai), Real Madrid
• Florian Wirtz (Gjermani), Bayer Leverkusen
• Jude Bellingham (Angli), Real Madrid
• Kylian Mbappé (Francë), Paris Saint Germain/Real Madrid
• Lamine Yamal (Spanjë), Barcelona
• Lionel Messi (Argjentinë), Inter Miami
• Rodri (Spanjë), Manchester City
• Toni Kroos (Gjermani), Real Madrid (i tërhequr)
• Vinícius Junior (Brazil), Real Madrid
