Teuta rrëmben fitoren në sfidën kundër Kukësit, me rezultatin 1-0. Në “Niko Dovana”, luhej për mbijetesën në javën e 24 të Superiores, e në të tillë situatë, nuk mund të shmangeshin polemikat. Teuta mori fitoren me një penallti, ndërkohë që Kukësi pretendoi një tjetër të padhënë. Në fund, Tafas i shkoi pranë mrekullisë, por portieri i Kukësit nuk mundi të barazonte rezultatin, falë ndërhyrjes së Vatës.
Martini kërkonte fitoren, për tu shkëputur nga Kukësi i vendit të fundit dhe për tu bashkuar me skuadrat që luftojnë për shpëtimin. Sfida nisi me ritëm të lartë e të dyja skuadrat provuan të gjenin golin, Kukësi protestoi për një 11-metërsh në fundin e pjesës së parë, pas pengimit në zonë të Salami. Asgjë për arbitrin, që e pa ndryshe episodin e radhës në zonën kuksiane.
Në minutën e 49’ ishte Faust ai që u pengua në zonë dhe arbitri akordoi një 11-metërsh për Teutën. Polemika të forta të Kukësit, për një 11 metërsh tepër të dyshimtë, por nuk ndryshoi vendimi i arbitrit. Peposhi nuk gaboi nga pika e bardhë, me goditjen që çau edhe rrjetën. Në minutën e 58’, Kukësi barazoi me Solodovnikov, por pas rishikimit me VAR, goli u anulua për pozicion jashtë loje, edhe ky i dyshimtë.
Lexo më tej: 13 ndeshje pa fituar në kampionat, shkatërron 3-0 Skënderbeun: Teuta i kishte mundur korçarët edhe në Kupë
Në fund, Kukësi mund të barazonte me portierin e tij. Anxhelo Tafas doli në kohën shtesë në ndihmë të sulmit. Në zonë për goditjen e fundit nga këndi, portieri goditi me kokë, por Vata i mohoi golin. Kështu Teuta ngjitet momentalisht në vendin e 8 në renditje me 24 pikë. Mbetet i fundit Kukësi me 19 pikë.
https://www.reddit.com/r/soccer/comments/1asdnt0/teuta_kukesi/?utm_source=embedv2&utm_medium=post_embed&utm_content=action_bar&embed_host_url=https://sportekspres.com/video-me-duart-ne-koke-portieri-i-kukesit-i-afrohet-golit-ne-sekonden-e-fundit-teuta-e-mund-dhe-nis-festen-pas-ndeshjes/
