“Isha afër kalimit te Inter, por fola me Simeone dhe...”. Nga faqet e gazetës spanjolle 'As', Alvaro Morata zbulon një nga prapaskenat e merkatos së verës. “Marotta më mori te Juventus dhe ne kemi pasur gjithmonë një marrëdhënie të shkëlqyer. Për fat pata shumë opsione, por kur fola me trajnerin, vendimi më i mirë ishte të qëndroja te Atletico”.
Një detaj merkato i rëndësishëm, duke qenë se Morata gjithnjë ka shprehur se në Itali zgjedhja e tij e parë do të ishte gjithnjë Juventus. Spanjolli nuk e ka prishur paktin, por vetëm sepse është bindur nga Simone. Një vendim që në të njëjtën kohë do të ketë efekt edhe mbi vetë zikaltrit.
Lexo më tej: Inter futet në lojë fort për Alvaro Morata: rival i papritur për Roma e Milan
Pikërisht kështu, sepse tani Inter do ta gjejë 31 vjeçarin Morata kundërshtar në ndeshjen e dyfishtë të 1/8 të Champions League: "Ata janë një skuadër e madhe. Do të jetë e vështirë, por sigurisht që ata nuk donin të luanin kundër Atletico. Mund të ishte fare mirë një gjysmëfinale apo edhe një finale e Champions League Ata janë finalistët e edicionit të fundit”, u shpreh Morata në lidhje me përballjen e ardhshme në kompeticionin më të rëndësishëm për klube.
