Dritan Rexhepi, i njohur si kreu i kartelit të drogës me emrin “Kompania Bello” që transportonte kokainë nga Amerika e Jugut drejt Europës, është arrestuar në Stamboll. Ai akuzohet për porositjen e pengmarrjes dhe vrasjen e Jan Prengës dhe trafik droge. Rexhepi ishte i shpallur në kërkim nga disa shtete si Shqipëri, Spanjë, Itali dhe Britani të Madhe për trafikun e kokainës.
Ministri turk i Punëve të Brendshme, Ali Yerlikaya tha se është konstatuar se Rexhepi ka hyrë në Turqi nga aeroporti i Stambollit me pasaportë kolumbiane të regjistruar në emrin e Benjamin Omar Perez Garcia.
