Një incident ka ndodhur këtë të enjte në Forumin e Prespës. Një pjesë e skenës është rrëzuar kur ishte duke folur në panel Miroslav Jenca. Ai është ndihmës-Sekretar i Përgjithshëm për Evropën, Azinë Qendrore dhe Amerikën në Departamentin e Çështjeve Politike të OKB-së. Jença ka shpëtuar pa lëndime, por kjo ka shkaktuar panik tek të pranishmit.
Mediat në Maqedoninë e Veriut kanë publikuar videon e incidentit.
[video width="640" height="362" mp4="https://cdnimpuls.com/lapsi.al/wp-content/uploads/2023/06/W41A5-1.mp4"][/video]
Forumi i Prespës organizohet nga Ministria e Punëve të Jashtme e Maqedonisë së Veriut. Përveç zyrtarëve të lartë të këtij vendi marrin pjesë edhe zyrtarë të shumtë të vendeve të rajonit dhe nga bota. Forumi i këtij viti ka një rëndësi të veçantë për vendin dhe rajonin, duke pasur parasysh se më 17 qershor shënohet 5-vjetori i nënshkrimit të Marrëveshjes së Prespës mes Maqedonisë së Veriut dhe Greqisë, me të cilin u zgjidh kontesti i emrit të vendit dhe u mundësua anëtarësimi i vendit në NATO.
Programi i forumit të këtij viti, ndër të tjera, do të përfshijë edhe diskutime mbi çështjet e ndjeshme rajonale, ato të politikës dhe sigurisë evropiane, të integrimit evropian të vendeve të Ballkanit Perëndimor, perspektivave për forcimin e bashkëpunimit rajonal dhe marrëdhënieve të mira fqinjësore. ©LAPSI.al
