Shkrimtari dhe publicisti Fatos Lubonja ka folur në lidhje me figurën e ish-kryeministrit italian, Silvio Berlusconi, i cili u nda nga jeta këtë të hënë. I ftuar në emisionin “Open” në News 24, Lubonja tha se Berlusconi ishte pjesë e një sistemi ku u shfaq hapur ajo pjesë e shoqërisë italiane dhe perëndimore ku një pakicë kontrollon financat, mediat dhe pushtetin.
“Kemi të bëjmë me një sistem ku ai shfaqi hapur atë që është pjesë e botës edhe perëndimore, ku një pakicë kontrollon financat, mediat dhe pushtetin politik. Berlusconi fliste aq shumë për liberalizmin, por ajo që përfaqësonte ishte kundër demokracisë. Gjithë problemi është trashëgimia që lë” – tha Lubonja.
Sipas tij, Berlusconi edhe pse fliste për liberalizmin përfaqësonte vlerat që ishin kundër demokracisë. Sa u përket një pikëpamjeje pozitive, Lubonja tha se në politikën e jashtme ka qenë ekuilibrisht dhe evropianist.
“Ka mbajtur disa pozicione që për mua dhe tani e pashë me simpati për qëndrimin për luftën në Ukrainë. Ka qenë më i moderuar. Ka pasur një lloj… disa thonë bujari me njerëzit”, - tha Lubonja. ©LAPSI.al
