Ish-presidenti rus Dmitry Medvedev ka deklaruar se Moska nuk ka nevojë për lidhje diplomatike me Perëndimin. Deklarata e tij vjen pas miratimit të një valë sanksionesh ndaj Rusisë nga vendet perëndimore., shkruan BBC
Medvedev, i cili u shkarkua nga posti i kryeministrit nga Vladimir Putin në vitin 2020 dhe tani shërben si nënkryetar i këshillit të sigurisë të Moskës, tha se ka ardhur koha për të “bllokuar ambasadat”.
Ai tha se Moska do të vazhdojë pushtimin e saj në Ukrainë derisa të arrijë qëllimet e përcaktuara nga Presidenti Vladimir Putin.
Është e paqartë se cilat janë objektivat e sakta të Putinit.
Medvedev dënoi gjithashtu pezullimin e Rusisë nga Këshilli i Europës, por tha se diçka e tillë i dha Moskës një mundësi për të rivendosur dënimin me vdekje.
