Një krim i rëndë brenda familjes ka ndodhur në Itali. Një 74-vjeçar vrau gruan e tij 72-vjeçare dhe e hodhi trupin e saj në lumin Osento , pranë Casalbordino në Itali. Pensionisti u vendos në arrest menjëherë pas tragjedisë.
Pas krimit që ndodhi në banesë burri mbështolli trupin me një copë dhe e ngarkoi në makinë për ta transportuar më pas në lumë. Gruaja ishte e sëmurë prej disa kohësh, dhe kjo duket se ka qenë dhe arsyeja që ka çuar në këtë krim të rëndë. Tragjedia ndodhi menjëherë pas drekës në afërsi të një ure në rrugën provinciale 216.
