Një helikopter me të cilin udhëtonte shefi i mbrojtjes indiane, gjeneral Bipin Rawat, u rrëzua në jug të Indisë të mërkurën, duke vrarë të paktën katër persona, dhe zyrtarët thanë se po kontrollonin ende nëse ai ishte mes të vdekurve.
Rawat po udhëtonte nga një bazë e Forcave Ajrore Indiane në Sulur për në Kolegjin e Stafit të Shërbimeve të Mbrojtjes në Wellington në shtetin Indian të Tamil Nadu për të mbajtur një leksion.
Rawat u emërua si Shefi i parë i Shtabit të Mbrojtjes (CDS) të Indisë nga qeveria e kryeministrit Narendra Modi në fund të vitit 2019. Pozicioni u krijua me synimin për të integruar tre shërbimet e Indisë - Ushtrinë, Marinën dhe Forcën Ajrore.
Forcat Ajrore thanë se Raëat, i cili më parë kishte shërbyer si Shef i Shtabit të Ushtrisë së Indisë, po udhëtonte me një helikopter Mi-17V5. India ka dhjetëra helikopterë ushtarakë rusë që përdoren gjerësisht nga ushtria, si dhe nga ministrat e lartë të qeverisë që vizitojnë vendet e mbrojtjes.
"Ky është një helikopter i sigurt, i provuar, unë kam udhëtuar me të në situata të vështira," tha ish-shefi i ushtrisë JJSingh.
“Është urdhëruar një hetim për të përcaktuar shkakun e aksidentit”, thanë Forcat Ajrore në një postim në Twitter.
