Plot 33 mijë dollarë u sekuestruan ditën e sotme në aeroportin e Rinasit, pasi ishin të padeklaruara.
Shuma e parave ishte e fshehur në çantën e laptopit të shtetasit turk N. P., 43 vjeç, ndaj të cilit ka nisur procedimi penal.
"Në vijim të veprimeve, shtetasi N. P., u procedua penalisht për veprën penale “Mosdeklarim në kufi i të hollave dhe i sendeve me vlerë”, si dhe u sekuestrua në cilësinë e provës materiale shuma e dollarëve.
Materialet i kaluan Prokurorisë së Rrethit Gjyqësor Tiranë, për veprime të mëtejshme." - thuhet mes të tjerash në njoftimin e policisë.
