Policia e Himarës ka arrestuar një 39-vjeçar, pasi pas një konflikti të çastit, ka goditur kunatin dhe më pas i ka dëmtuar mjetin.
Në pranga ka rënë shtetasi H. M., pasi ka goditur me sende të forta dhe grushte kunatin e tij, duke i shkaktuar dëmtime fizike, por edhe materiale.
"Specialistët për Hetimin e Krimit në Komisariatin e Policisë Himarë kanë arrestuar në flagrancë shtetasin H. M., 39 vjeç, banues në fshatin Karbunarë, Vlorë.
Arrestimi i tij u bë pasi ka bërë kallëzim shtetasi S. A., 42 vjeç, banues në Fier, se në fshatin Dhërmi, për motive të dobëta, kunati i tij shtetasi H. M, e ka goditur me sende të forta dhe grushte, duke i shkaktuar dëmtime fizike, si dhe i ka dëmtuar xhamin e automjetit të tij.
Materialet i kaluan Prokurorisë së Rrethit Gjyqësor Vlorë, për veprime të mëtejshme", njofton policia.
