Policia e Beratit ka arrestuar një 47-vjeçar, pasi akuzohet se ka goditur dhe plagosur me thikë një bashkëqytetar. Në pranga ka rënë shtetasi T. C., pasi ka qëlluar me thikë, duke i shkaktuar dëmtime në trup, shtetasin Q. Z., 61 vjeç.
Njoftimi i policisë:
Nga specialistët e Seksionit për Krimet në Komisariatin re Policisë Berat u bë arrestimi në flagrancë i shtetasit T.C, 47 vjeç, banues në Samaticë, Ura Vajgurore.
Ky shtetas, ka goditur për motive të dobëta, me mjet prerës (thikë), duke i shkaktuar dëmtime në trup, shtetasin Q.Z.,61 vjeç, banues në Samaticë, Berat, i cili po merr ndihmën mjekësore në spitalin rajonal Berat.
Materialet i kaluan Prokurorisë së Rrethit Gjyqësor Berat, për veprën penale “Vrasje me dashje, mbetur në tentativë”.
