Policia ka dhënë informacion zyrtar në lidhje me sekuestrimin arsenalit të armëve të gjetur në dy baza të tjera të grupeve kriminale. Këto baza shërbenin për modifikimin, magazinimin dhe shitjen e armëve luftarake tek grupet kriminale.
Policia njoftohet se në operacionin e zhvilluar mëngjesin e sotëm në magazinën e Sokol Xhurës u gjetën dhe sekuestruan një arsenal armësh luftarake të kalibrave të ndryshëm dhe municion luftarak: 50 automatik, 1 pushkë të precizionit të lartë (Snajper), 1 snajper draganoz, 1 antitank, 19 kundërajrorë, mitroloz (2 të rëndë dhe 1 të lehtë), pajisje ushtarake, 10 dybli që përdoren për pushkët dhe snajperat, dhjetëra mijëra fishekë të kalibrave të ndryshëm, 24 predha antitank, 1 arkë me lëndë eksplozive tritol, 100 granata të ndryshme, 6 kilogramë lëndë ekspoloziv C4, 7 armë zjarri pistoletë të modeleve të ndryshme, 53 pushkë model 10 dhe pjesë për riparimin dhe modifikimin e armëve të zjarrit.
