Pak ditë më parë, një deputet nga Partia Demokratike e SHBA-ve, Mark Pocan, akuzoi Amazon, se i detyronte shoferët të urinonin në shishe, për shkak të mungesës së kohës për të shkuar në tualet. Disa persona në një forum në Reddit e konfirmuan këtë gjë gjithashtu.
"Pagesa e punonjësve me 15 dollarë në orë nuk do të thotë se është një vend pune i jashtëzakonshëm, veçanërisht nëse i detyron të urinojnë në shishe plastike", kishte shkruar ai.
Ndërsa më në fund erdhi një reagim edhe nga Amazon. Pasi hodhi poshtë ashpër pretendimet e Pocan për javë të tëra, kompania më në fund pranoi përgjegjësinë e saj, duke theksuar se mohimi ishte "një autogol".
"Ne e dimë që ndonjëherë shoferët tanë mund të kenë probleme në gjetjen e tualetit për shkak të trafikut ose ndonjëherë sepse ecin në rrugë në zonat rurale, dhe kjo veçanërisht në periudhën e pandemisë kur shumë tualete publike u mbyllën”, pranoi Amazon në një shënim të postuar në blog.
Një përgjigje shumë e ndryshme nga reagimi i parë ndaj tweet-it të Pocan, në të cilën Amazon kishte ironizuar:
"A mendoni vërtet se ata urinojnë në shishe? Nëse do të ishte kështu, askush nuk do të punonte për ne."
Epo, herët ose vonë e vërteta del në shesh.
