Diçka më shumë se dy vite më parë Robert Ndrenika ishte një njeri tjeter. Ai ishte betuar se nuk do ta treste dheu po të shembej teatri. Edi Rama e kishte turperuar publikisht në sy të kolegëve duke mos i dhënë fjalën. Ai doli në emisionin “Studio e hapur” me Eni Vasilin në “News24”, në qershor 2018 dhe foli krejt ndryshe nga sot. Rikthejuni edhe njëherë kesqj interviste per te kuptuar sesa real eshte peticioni i tanishem i shkruar ne zyrat e bashkise.
Ndërsa sot në nisje të fushatës elektorale për zgjedhjet e 25 prillit kryeministri, Edi Rama ka publikuar një spot me protagonist aktorin e njohur Robert Ndrenika. Ndrenika shfaqet në Teatrin Kombëtar të Operës dhe Baletit, ku flet për disa sfida të qeverisë Rama si pandemia apo edhe çështja e Teatrit Kombëtar për të cilin thotë se do të ngrihet aty ku ishte më shumë herë më funksional dhe më i bukur nga sa ishte më parë. Më tej, Robert Ndrenika flet për një mandat tjetër të Partisë Socialiste të cilin e cilëson si “aktin e dytë” të vizionit për një Shqipëri më të mirë. Në një takim që patët me kryeministrit Rama, ai nuk ju dha fjalën. A u ndihet i lënduar? Natyrisht që jam ndjerë jashtëzakonisht i lënduar, atë që ma ka bërë ai njeri, nuk ma ka bërë njeri deri më sot. Me turpëroi para kolegëve te mi, dhe 100 vetëve që ishin aty. Ishte shumë e rëndë për mua.Nëse do e kishit përballë çfarë do i thonit?
Kam për të thënë diçka, por jo personalisht për atë, por për çështjen e Teatrit. Kryeministrat venë e vijnë. Ky vend ka pasur edhe kryeministër 30-vjeçar, e pati atë që pësoi. Jam i sigurte që edhe ky nuk është kryeministër i përjetshëm”.
Jeni i dëshpëruar për shembjen teatrit?
Shumë i dëshpëruar jam. Është njësoj si t’i bihet murit me kokë. Është shumë e rëndë. Ai vend aty është shumë i shenjtë. Aty është krijuar gjithë kultura e kryeqytetit. Është shumë e rëndë mënyra si bëhet kjo punë. Kërkon ai ambasadori i madh i amerikanëve të kapë peshqit e mëdhenj që i ka para syve, edhe kapen këto sardelet. Aty ka 20 vjet që tentohet të kryhet një grabitje e mbetur në tentative dhe nuk flet njeri. As prokuroria, as qeveria, as PS. Me sa duket ai do ta bëjë këtë punë. Dhe kur i del, le t’i dalë.
Ju si mendoni, kush janë arsyet që ka një lloj armiqësie të kryeministrit me artistët?
Nuk e di… Ndoshta ka qenë vetë i pa talentuar dhe mbase do që të marrë hak. Tani thonë se është bërë milioner ai. Si u bë milioner për 20 vite?.
