Policia e Durrësit ka reaguar në lidhje me konfliktin e ndodhur sot mes kandidates për deputetë të LSI-së, me një qytetar në Durrës. Sipas policisë, ngjarja ndodhi rreth orës 14:30, në lagjen nr.4, Durrës. Në vendngjarje kanë shkuar shërbimet e Policisë të cilët kanë shoqëruar në ambientet e Komisariatit të dyja palët në konflikt për veprime të mëtjeshme. Grupi hetimor në drejtimin e Prokurorisë Durrës, vijon punën për sqarimin e rrethanave dhe të shkakut të konfliktit. Elona Guri, e cila rezulton e para në listën e LSI-së në Durrës ka bërë një denoncim në polici, pasi pretendon se është konfliktuar në rrugë nga shtetasi me inicialet Ç.K.
