Policia e Durrësit ka dhënë detaje për plagosjen me armë që ndodhi rreth orës 19:20, në lagjen nr.4.
Sipas policisë dyshohet se pas një konflikti të çastit, është plagosur në dorë me armë zjarri shtetasi Arbër Tivari, 25 vjeç, i cili ndodhet në spital jashtë rrezikut për jetën.
Në vendngjarje ndodhet grupi hetimor dhe po punojnë për zbardhjen e plotë të rrethanave të ngjarjes.
Shërbimet e Policisë kanë ngritur pika kontrolli dhe po krehin zonën për të bërë të mundur kapjen e autorit, shtetasit A.B. Në ambientet e Drejtorisë Vendore të Policisë Durrës janë shoqëruar disa persona.
