Damian Gjiknuri, koordinatori i Partisë Socialiste për qarkun e Vlorës, ka thënë se e priste që të ishte i shtati në listën e kandidatëve për deputetë në zgjedhjet e 25 Prillit. I ftuar në “Zonë e Lirë” në Tv Klan, Gjiknuri u shpreh se e ka ditur me kohë që do renditej i shtati pasi ka qenë një strategji që është diskutuar edhe më herët me Edi Ramën.
“E prisja se ishte një strategji që e kemi diskutuar me Ramën. I teti Rama i shtati unë që të jemi si shtytësit për 8 mandate në Vlorë, pasi minimalja që ne kërkojmë më Vlorë është 8 mandate. Linja e mbrojtjes është 8 mandate dhe synojmë që të marrin 9 mandate, por kjo do shumë punë”, - u shpreh ai.
Gjiknuri u pyet edhe për debatin mes Lelit dhe Ramës, por tha se nuk dëshironte të bënte komente.
“Atij iu ofrua të ishte pjesë e listës fituese, por nuk pranoi. Ne do të vazhdojmë pa të. Kaq. Nuk merrem me këtë pjesë” – tha Gjiknuri. ©LAPSI.al
