Organizata Kombëtare e Shëndetit Publik në Greqi konfirmoi sot se janë 2 301 raste të reja të regjistruara në 24 orët e fundit, nga të cilat 14 u identifikuan pas kontrolleve në portat e vendit. Numri i përgjithshëm i rasteve është 203 978. Bazuar në rastet e konfirmuara në 7 ditëve të fundit, 72 konsiderohen se kanë të bëjnë me udhëtime nga jashtë dhe 3 231 kanë të bëjnë me raste tashmë të njohura.
Vdekjet e reja të pacientëve me COVID-19 janë 41, ndërsa që nga fillimi i epidemisë janë regjistruar gjithsej 6 705 vdekje.
Numri i pacientëve të trajtuar me intubim është 452. Që nga fillimi i pandemisë, 1 403 pacientë janë larguar nga ICU.
Pranimet e pacientëve të rinj me Covid-19 në spitalet e territorit janë 356. Pranimi mesatar shtatë ditësh është 337 pacientë.
