Bashkëthemeluesi i Microsoft, Bill Gates, ka zbuluar se cilat janë dy kërcënimet e mëdha të njerëzimit në të ardhmen, përveç pandemive, që i kishte parashikuar që në vitin 2015.
Në një intervistë për kanalin e YouTube të Derek Muller, Gates thekson se: ndryshimi klimaterik dhe bioterrorizmi janë problemet e rënda që na presin në të ardhmen.
Në lidhje me ndryshimet klimaterike, Bill Gates thekson se numri i viktimave në një vit ‘do të jetë shumë më i madh’ sesa ai që po shkakton pandemia e Covid-19:
'Për t’ju treguar pasojat e ndryshimeve klimaterike, mjafton që dëmet e shkaktuara nga pandemia t’i imagjinoni të zgjatura në kohë. Në vitin 2060, ndryshimet klimaterike mund të jenë vdekjeprurëse njësoj si të pandemisë, ndërsa në vitin 2100 mund të jenë 5 herë më vdekjeprurëse sesa koronavirusi’.
Sa i përket bioterrorizmit, Gates u shpreh se shumë njerëz nuk duan të flasin për të, por ‘ekziston mundësia që dikush, i cili kërkon të bëjë shumë dëme, të krijojë një virus që të jetë shumë më vdekjeprurës sesa SARS-CoV-2’.
